कञ्चनपुर- भिमदत्त नगरपालिका–१८ को गल्ली नम्बर ५ मा रहेको पर्वत होटलमा जुवा तास खेलिरहेको अवस्थामा ७ जना पक्राउ परेका छन्।
जुवा तास भइरहेको छ भन्ने गोप्य सूचनाको आधारमा जिल्ला प्रहरी कार्यालयबाट खटिएको प्रहरी टोलीले होटलमा छापा मारेको हो। होटलको माथिल्लो तलामा जुवा तास खेलिरहेका ७ जनालाई प्रहरीले नियन्त्रणमा लिएको छ।
प्रहरीले घटनास्थलबाट नगद २२ हजार ११५ रुपैयाँ समेत बरामद गरेको जनाएको छ। पक्राउ परेकाहरूको सम्बन्धमा आवश्यक अनुसन्धान भइरहेको प्रहरीले जानकारी दिएको छ।