बझाङ- बझाङमा जिप दुर्घटना भएको छ। जिल्लाको छविसपाथिभेरा गाउँपालिका–७ मा सुदूरपश्चिम प्रदेश ०१००१ ज १२६६ नम्बरको जिप दुर्घटना हुँदा दुई जना घाइते भएका छन्।
भाडेबजारबाट नौरा तर्फ गइरहेको उक्त जिप दुर्घटना हुँदा बझाङ छबिसपाथिभेरा गाउँपालिका–७ का २५ बर्षिया जिप चालक झलक धामी र सोही ठाउँकी ३५ बर्षिया पुतली धामी घाइते भएका हुन्।
आइतबार साँझ ५:३० बजे आफै अनियन्त्रित भई जिप सडकको बायाँ पट्टी पल्टिएको थियो। घाइते भएका दुवै जनाको हात र टाउकोमा चोट लागेकाले उपचारको लागी जिल्ला अस्पताल पठाइएको छ।
जिपमा पाँच जना सबार रहेको र अन्य तीन जना यात्रु सकुशल रहेको जिल्ला प्रहरी कार्यालय बझाङका सूचना अधिकारी दिपेश चौधरीले बताए। दुर्घटनाबारे थप अनुसन्धान भई रहेको प्रहरीले जनाएको छ।
